""Artsaxı" itirdiyimiz üçünmü bayram edirik?" - Köçəryan
""Artsaxı" itirdiyimiz üçünmü bayram edirik?" - Köçəryan
Sabiq prezident Robert Köçəryan Ermənistanın müstəqilliyinin 30-cu ildönümündə qeyd edilən şənliyin mənasız olduğunu dilə gətirib.
Xəbər verilir ki, o, bu barədə jurnalistlərə açıqlamasında deyib. Köçəryan Ermənistanın Qarabağ müharibəsindəki məğlubiyyətindən sonra bu bayramın qeyd edilməsini növbəti biabırçılıq adlandırıb.
"Bu gün müstəqilliyimizin otuzuncu ildönümünüdür. Amma bu əlamətdar gündə hiss etməli olduğumuz heç bir sevinc yoxdur. Ağır məğlubiyyətdən, ərazi itkilərindən, suverenliyimizin və minlərlə taleyin məhv edilməsindən sonra bu bayramı ilk dəfə qeyd edirik. Suverenliyimizi, vətəndaşlarımızı müdafiə edə bilmirik, amma müstəqilliyimizi təntənə ilə keçiririk. Biz 30 illik dövrümüzdə ölkəyə güc və geosiyasi dəyər verən, qürur duyduğumuz "Artsaxı" itirdik. Buna görə bayram edirik? Dövlətlər milli birliyə əsaslanaraq milli rifah sayəsində qurulur. Məğlubiyyəti simvolizə edən orqanlar ilham və yaradılış mənbəyi ola bilməz".
Azadsoz.com
